Чăваш чĕлхи эрнинче «Чăвашсен паллă çыннисем» видеороликсен конкурсĕ  пулчĕ. Ачасем тăван халăх ятне çÿле çĕкленĕ паллă çынсен пурнăçĕпе пултарулăхне тĕпчерĕç. 20 патнелле ĕçрен Ю.Осиповăн «Г.Айги пултарулăх», Н.Сорокинан «И.Я.Яковлев», С.Семенован  «Н.Бичурин», К.Арчикован «Патриарх», М.Карандаевăн «Камсем эпир – чăвашсем?» ĕçĕсем уйрăмах палăрса тăчĕç. Ачасене хисеп хучĕсемпе ака уйăхĕн 26-мĕшĕнче чăваш чĕлхи тата сăмахлăхĕпе вĕрентекен Эльвира Владимировна саламларĕ.