Юпа уйăхĕн 27-мĕшĕнче шкулта «Кĕрхи бал» иртрĕ. Уяв валли шкул ачисен темĕн те пĕр хатĕрлесе килмелле пулнă. Шел пулин те, конкурса Арчикова Кристина, Карандаев Анатолий тата Семенова Светлана кăна хатĕрленсе килнĕ. Хăшĕсем вара шкулта тăватпăр тесе кавăн, кишĕр кăна илсе килнĕ.

            Тăрăшсан ĕç пулатех. Малтан пире пахча çимĕçе касма кăсăклă мар текен ачасемех кăшт вăхăт иртсен интересленсе кайрĕç. Кишĕртен чечек, лĕпĕш, çулçă, çын кĕлетки турĕç. Кавăнтан вара пике сăнне те, мулкача та, смайлик та касса кăларчĕç. Хĕрлĕ кăшман çулçинчен чечек ăсталарĕç.

            Уяв ăнăçлă иртрĕ темелле. Ачасем дискотека хыççăн тулли кăмăлпа киле кайрĕç.