Эпĕ, Портнова Эльвира Владимировна, Калайкасси шкулĕнче «Театрăн асамлăх тĕнчи» кружок ертсе пыратăп. Кунта ытларах 5 класс ачисем çÿреççĕ.

Кăçал районта иртекен кружокçăсен ăмăртăвне хутшăнас терĕм.  Пуш уйăхĕн 20-мĕшĕнче ĕçтешсем умĕнче мастер-класс ирттертĕм тата презентаци хÿтĕлерĕм. Ăмăрту 9 сехетре пуçланчĕ те 17 сехетре кăна вĕçленчĕ. Çак вăхăтра мĕн кăна тума вĕренмерĕмĕр-ши: ÿкертĕмĕр, сăрларăмăр, ăсталарăмăр, çĕлерĕмĕр, юраларăмăр… Конкурсра хутшăнакансенчен нихăшĕ те вăхăт иртнине сисмерĕ. Маншăн ку кун, чи ăнăçлă кунсенчен пĕри пулчĕ.