Чăваш чĕлхи эрнине ирттернĕ май Калайкасси шкул вулавăшĕнче ачасем хăйсен аллипе ăсталанă кĕнекесен куравĕ пулса иртрĕ. Ку конкурса Портнова Э.В. вĕрентекен 5-6 классем активлă хутшăнчĕç. Вĕсен кĕнекере сахалтан та пĕр юмах, пĕр пулмасла халап, пĕр фантастикăлла калав, пĕр сочинени тата икĕ сăвă çырмалла пулнă. Конкурсра пурĕ 34 ĕç хутшăнчĕç. Анчах та чи маттуррисем çак вĕренекенсем пулчĕç. 1-мĕш вырăна 6-мĕш класра вĕренекен Охлин Алексейпа Сальников Константин тухрĕç. Иккĕшĕн те хайлавĕсем интереслĕ, кĕнеке содержанийĕ тулли, вулакансемшĕн те кăсăклă. 2-мĕш вырăна вара 5-мĕш класра вĕренекен Аристархов Арнольдпа Перков Данил çĕнсе илчĕç. 3-мĕш вырăна арçын ачасемпе тупăшса 5-мĕш класра вĕренекен Пушкина Наташăпа Кольцова Анастасия тухрĕç.

Кĕнекесен куравĕпе уйрăмах кĕçĕн класра вĕренекенсем интересленчĕç. Çитес çулсенче вĕсем те активлă хутшăнасса тата пирĕн хушăра çамрăк сăвăçсемпе çыравçăсем хушăнса пырасса шанас килет.