5-мĕш класра вĕренекенсем сцена çине тухма именмеççĕ. «Тухтăр патĕнче» инсценировкăра тухтăр рольне Пузырева Анастасия тата вĕренекен рольне Лисицина Светлана вылярĕç. Кахала перекен, тÿрре тухма хăтланакан ачана Лисицина Светлана ĕненмелле кăтартса пама пултарчĕ.

Валентин Атнашев çырнă «Паян мĕнле кун?» инсценировкăра чее ача рольне Пушкина Наталья вылярĕ, амăшне – Кольцова Анастасия. Тухтăр рольне вара 6-мĕш класра вĕренекен Ильина Виктория кăтартса пачĕ. Ирхине урокран çывăрса юлнă ача хăйне мĕнле тыткаланине, «иккĕрен» хăтăлас тесе амăшне улталама тăнине çамрăк артистсем ĕненмелле выляса пачĕç.

Куракансем инсценировкăсене хапăл туса йышăнчĕç. Апла пулсан малашне те пирĕн шкул сцени çине çамрăк артистсем тухĕç, пурнăçри çитменлĕхсене кулăш урлă кăтартса парĕç.