Евгений Александрович Майков хатĕрленĕ «Çăлтăрчăк» вăйă-конкурса тивĕçлĕ шайра ирттерме тинех май килчĕ. (Вăййа хатĕрлес этап вăраха пычĕ. Курăмлăх хатĕрĕсене тума мана 9А класра вĕренекен Семенова Светланăпа Яшкова Елена пулăшрĕç.) Вăййа пурĕ 6 ача хутшăнчĕ, кашни турĕнчен 1 вĕренекен тухса пычĕ. Ăмăрту интереслĕ пултăр тесе юлашкинчен «Блиц-ыйту» тата «Сăмах туп» турсем хушрăм.

5-6 классем хушшинче ирттернĕ вăйăра Кольцова Анастасия (5 кл.), Пузырева Анастасия (5 кл.), Пушкина Наталья (5 кл.), Гаврилов Максим (6 кл.), Охлин Алексей (6 кл.) тата Сальников Константин (6 кл.) хутшăнчĕç. Чи-чи маттурри вара 5-мĕш класра ăс пухакан Пузырева Анастасия пулчĕ.

8-10 классем хушшинче ăмăрту уйрăмах хĕрÿ пулса иртрĕ. 8-мĕш классем вăййа 3 çын тăратрĕç: Никитин Петр, Фомин Александр, Рукавишников Димитрий. 9А класс чысне Замятина Екатерина, 9Б класс ятне – Игров Александр хÿтĕлерĕç. 10 класшăн Родионова Мария çине тăчĕ. Финала Родионова Марийăпа Никитин Петр тухрĕç. «Сăмах туп» турта та пĕр-пĕринчен иртеймерĕç. Çапла майпа пирĕн икĕ çĕнтерÿçĕ – 8-мĕш класра вĕренекен Петр Никитин тата 10-мĕш класра ăс пухакан Мария Родионова.

Вăйă-конкурс вĕренекенсен кăмăлне кайрĕ, ачасен пĕлĕвне туллин хаклама май пачĕ. Е.А.Майков хатĕрленĕ йышши вăйăсем интернетра ытларах пулсан аванччĕ те… Эпĕ хатĕрленĕ вăйă ытларах 3-6 классем валли каять. Эсир ăна манăн сайтра elbi.ucoz.ru «Урока кайма» уйрăмра тупма пултаратăр.