Чăваш АССРăн халăх çыравçи, драматургĕ, прозаикĕ, сатирикĕ

Леонид Яковлевич Агаков çуралнăранпа 111 çул çитнĕ ятпа йĕркеленĕ кĕнеке куравĕ.

(1910-1977ç.ç.)

Ака уйӑхӗн 5-мӗшӗнче Калайкасси вӑтам шкулӗн вулав залӗнче шкул библиотекарӗ Колдашова Саида Усмановна Леонид Яковлевич Агаков ҫуралнӑранпа 111ҫул ҫитнине халалланӑ кӗнеке куравӗ йӗркелерӗ.

Агаков Леонид Яковлевич — чӑваш ҫыравҫи, драматургӗ, кулӑш ӑсти, театр критикӗ. 1910 ҫулхи ака уйӑхӗн 18-мӗшӗнче Етӗрне уесӗнчи (халӗ Етӗрне районӗ) Ҫуткассинче ҫуралнӑ.

1930-мӗш ҫулта Леонид Агаковӑн «Волонтёр» коммунӑн пурнӑҫӗ» ятлӑ пӗрремӗш кӗнеки, ҫавӑн хыҫҫӑнах, 1931  ҫулта, ачасем валли ҫырнӑ «Вӗтлӗхри отрядпа» «Юлашки юмах» кӗнекисем пичетленсе тухаҫҫӗ .

1939 ҫултанпа Леонид Яковлевич Агаков СССР ҫыравҫисен пӗрлешӗвӗн членӗ. 1967 ҫулта Ҫеҫпӗл Мишши ячӗллӗ Чӑваш Енӗн Комсомол премийӗн лауреачӗ пулнӑ. 1968 ҫулта Чӑваш АССРӑн тава тивӗҫлӗ ӳнер ӗҫченӗ ятне, 1974 ҫулта Чӑваш АССРӑн халӑх ҫыравҫи ятне тивӗҫнӗ. Хӗрлӗ Ҫӑлтӑр орденӗпе тата медальсемпе чысланӑ. 

Леонид Агаков – икӗ вӑрҫӑра алла хӗҫ–пӑшал тытса Тӑван ҫӗршыва хутӗленӗписатель-патриот. Вӑл тĕпрен илсен, приключени анинче тар тăкнă. Леонид Агаков нумай-нумай кĕнеке авторĕ. Вăл сăнласа панă геройсем — хастар та хăюллă, тавçăруллă арçын ачасем, легенда картне ларма тивĕç маттур хĕрсем, вăрçă тертне туснĕ салтаксем. Паллă кĕнекисем: «Вăрçă ачисем», «Вăрçă кĕрленĕ чух», «Вăрттăн упăшка», «Кулас килет», «Пĕрре çуркунне», «Салтак ачисем», «Чи хакли», «Ылтăн вăчăра», «Юманлăхра çапла пулнă», тата ыттисем те. Писатель пултарулӑхӗнче ҫарпа патриотизм теми тӗп вырӑн йышӑнать тесен пӗрттейӑнӑш пулмасть. Унӑн кӗнекисем («Пӗчӗк партизансем», «Салтак чунӗ», «Салтак ачисем», «Пӗр хулара», «Манӑн туссем», «Партизан Мурат», «Кӑсӑя», «Шанчӑк», «Брустверҫинчи чечексем» т.ыт.те) ҫамрӑк ӑрӑва яланах ҫирӗп кӑмӑллӑ, хӑюллӑ та хастар пулма, аслӑ Совет ҫӗршывне чун-чӗререн юратма, уншӑн пӗтӗм вӑя парса ӗҫлеме, ҫӗнӗ ҫитӗнусемшӗн хастаррӑн кӗрешме вӗрентеҫҫӗ.

Леонид Агаковӑн кирек хӑш произведенине илсен те, вӑл халӑх пурнӑҫне тӗплӗн пӗлсе, унӑн шухӑш-кӑмӑлне, ӗҫне-хӗлне ҫывӑххӑн туйса сӑнани уҫҫӑн курӑнать. Л. Агаков пултарулӑхӗҫутӑӗмӗтлӗ, паттӑр чун-чӗреллӗ совет ҫыннисен сӑнарӗсене анлӑн кӑтартса панипе, произведенисен сюжечӗсенеҫивӗччӗн аталантарса пынипе пирӗн литературӑра паллӑвырӑн йышӑнать.

Кӗнеке куравӗнче Леонид Агаков ҫырнӑ кӗнекесемпе тата ытти литературӑпа паллашма пулать: «Юманлӑхра  ҫапла пулнӑ», «Вӑрҫӑ ачисем», «Салтак ачисем», «Золотая цепочка», «Вырӑс каччи», «Ылтӑн вӑчӑра», «Писатели», Н. Дедушкин «Писатель-салтак», «Тӑван литература утӑмӗсем», «Чувашская энциклопедия»,  «Писатели Советской Чувашии» т. ыт. те.