Пĕтĕм тĕнчери тăван чĕлхе кунĕ.

Çак куна 1999 çулхи чÿк уйăхĕнче ЮНЕСКОн Генеральнăй конференцийĕн 30-мĕш

сессийĕнче палăртма йышăннă. Чĕлхесен тата культурăсен пуянлăхне упраса хăварас тата

аталантарас тĕллевпе 2000-мĕш çултан уявлаççĕ.

Тĕнчери тăван чĕлхе кунне халалласа Калайкассинчи А.Г. Николаев ячĕллĕ пĕтĕмĕшле

пĕлÿ паракан вăтам шкулта 1-11 классенче плана килĕшÿллĕ класс сехечĕсем иртрĕç.

Çавăн пекех кашни класрах тĕрлĕ мероприятисем хатĕрлесе ачасене кăсăклантартăмăр.

Аслăрах классем И. С. Максимов –Кошкинский киносценаристпа Н. Я. Бичурин паллă

тĕпчевçĕ, полиглот, академик кун-çулĕпе паллашрĕç пулсан, 5-7 классем тĕрлĕ вăйă,

викторина, конкурс витĕр тухрĕç. «Эпĕ чăвашла калаçатăп» акцие хутшăнакансен йышĕ

ытти çулсемпе танлаштарсан кăçал ытларах пулни чуна савăнтарчĕ.