Паян, юпа уйăхĕн 22-мĕшĕнче А.Г. Николаев ячĕллĕ Калайкассинчи пĕтĕмĕшле пĕлÿ
паракан вăтам шкулта 10-мĕш класра вĕренекенсем Шупашкарти Н. И. Никольский ячĕллĕ
колледжра пулса курчĕç. Мĕнле майпа? Сăлтавĕ мĕнре? Кашни эрнерех пирĕн шкулта
2023-2024 вĕренÿ çулĕнчен пуçласа паянхи кунччен Профминимум заняти иртет. Кунта
«Россия-мои горизонты», «Биле в будущее» юхăмпа хĕрÿ ĕç пырать. Калас пулать, паянхи
заняти пачах урăхла лару-тăрура иртрĕ. Урок вăхăчĕ те шкултипе танлаштарсан хĕрĕх
минут мар, сехет çурă пырать. Апла пулсан, вĕренекенсемпе теори материалне те,
практика ĕçне те алла илме майсем туса пачĕç. Çак ĕçе йĕркелекенĕсем, пире ертсе
пыраканĕсем Евгения Владиславовнăпа Наталья Ивановна пулчĕç. Асăрхаттарас килет,
çак колледжра Наталья Ивановна педагог организатор ĕçне тытса пырать пулсан, Евгения
Владиславовна чăн-чăн педагог-мастер. Манăн вуннăмĕшсем воспитатель ролĕнче те, ача
садне çÿрекен ачасен шутĕнче те пулса курчĕç. Педагогсем пулăшнипе хăйсене тĕллĕн
заняти ирттерме те, тĕрлĕ ĕçсем тума та хăнăхусем алла илчĕç. Эпĕ, класс руководителĕ
пулнă май, кашни утăмрах усăллă канашсем, сĕнÿсем парса тăтăм. Занятийĕн кульминаци
самантне «Эдуквест» вăййа вылянинче палăртмалла. Пĕтĕмлетсе çакна каламалла, ума
тухнă ĕç-пулăма тивĕçлĕ шайра пурнăçларăмăр. Пурте кăмăллă юлчĕç.